[:en]កត្តាដែលធ្វើឲ្យធ្មេញមានពណ៌លឿង មិនសថ្លា និងមិនស្អាតមាន3កត្តាធំៗគឺ:
1. កត្តាខាងក្រៅ គឺវាបណ្តាលមកពីជាតិពណ៌ដែលប៉ះនឹងធ្មេញរបស់អ្នកផ្ទាល់ពីខាងក្រៅរួមមានកត្តាដូចជា:
ការបរិភោគអាហារភេសជ្ជៈដែលមានជាតិពណ៌ដូចជាកាហ្វេ តែ កូកាកូឡា ស្រា ផ្លែឈើ និងបន្លែមួយចំនួនដែលមានពណ៌ខ្លាំង។
ការប្រើថ្នាំជក់ ការជក់បារី និងទំពារថ្នាំជក់ឬម្លូរជាដើម។
ការធ្វើអនាម័យមាត់ធ្មេញមិនល្អ មានន័យថាដុសធ្មេញមិនបានស្អាតត្រឹមត្រូវតាមបច្ចេកទេសដែលធ្វើឲ្យឡើងកំណកកំបោរ និងឡើងស្នឹម។
- កត្តាខាងក្នុង គឺវាកើតចេញពីខាងក្នុងធ្មេញ ឬបណ្តាលមកពីរាងកាយរបស់អ្នកដែលរួមមានកត្តាដូចជា:
- កត្តាជំងឺមួយចំនួនដែលធ្វើឲ្យប៉ះពាល់ស្រទាប់ខាងក្រៅ និងស្រទាប់ខាងក្នុងនៃធ្មេញ ដែលធ្វើឲ្យមានការប្រែពណ៌ដូចជាការព្យាបាលជំងឺមហារីកដោយការបាញ់វិទ្យុសកម្ម ឬការព្យាបាលដោយគីមីទៅម្តុំក្បាល និងក។មិនតែប៉ុណ្ណោះការបង្កររោគនៅពេលស្រ្តីមានផ្ទៃពោះក៏អាចប៉ះពាល់ដល់ធ្មេញរបស់កូនក្នុងផ្ទៃផងដែរ។
- ការប្រើប្រាស់ថ្នាំនៅពេលមានផ្ទៃពោះ ដូចជាថ្នាំតេត្រាសាយគ្លីនជាដើម។
- កត្តា Genetic ដែលធ្វើឲមានស្រទាប់ខាងក្រៅដែលគេហៅថាក្រចាធ្មេញមានកំរាស់ក្រាស់
- កត្តា Environmental ដូចជាការប្រើប្រាស់សារធាតុភ្លុយអរច្រើនលើសលប់
- ធ្មេញដែលត្រូវបានគេព្យាបាលហើយ មានន័យថាធ្មេញងាប់ដែលគ្មានសសៃប្រសាទនិងសសៃឈាមទៅចញ្ចឹមធ្មេញ ដែលធ្វើឲ្យធ្មេញឡើងពណ៌ស្រអាប់។
3. កត្តាទាក់ទងនឹងអាយុ គឺវាបណ្តាលមកពីការផ្លាស់ប្តូរពណ៌ធ្មេញរបស់អ្នកនៅពេលអាយុច្រើន។ នៅពេលអាយុច្រើន ស្រទាប់ខាងក្រៅនៃធ្មេញសឹកដែលធ្វើឲ្យលេចចេញនៅស្រទាប់ខាងក្នុងដែលមានពណ៌លឿង និងនៅពេលអាយុច្រើន ស្រទាប់ខាងក្នុងមានការឡើងកម្រាស់ដែលធ្វើឲ្យមានពណ៌កាន់តែលឿងជាងធម្មតា។
វិធីសាស្ត្រក្នុងការកែប្រែធ្មេញអោយមានពណ៌សថ្លាស្អាតមកវិញគឺវាអាស្រ័យទៅលើមូលហេតុដែលបង្ករអោយធ្មេញប្រែពណ៌ដែលវិធីសាស្ត្រនោះមានដូចជា:
1. ការដុសសម្អាតធ្មេញអោយបានត្រឹមត្រូវ ដោយដុសយ៉ាងតិចពីរដងក្នុងមួយថ្ងៃ (នឹងសម្អាតម្តងអោយបានពីរនាទី)
2. ការសំអាត និងប៉ូលាធ្មេញដើម្បីយកកំណកកំបោរ និងស្នឹមចេញ
3. ធ្វើការខាំពុម្ភអោយស ដែលធ្វើនៅក្នុងគ្លីនិកក៏បាន ឬធ្វើនៅផ្ទះដោយខ្លួនឯងក៏បាន
4. ការបិទធ្មេញដោយ Veneer
5. ការដាក់ធ្មេញស្រោប
រៀបរៀងដោយៈ ទន្តបណ្ឌិត ជួន លីណា ទន្តបណ្ឌិតនៃមន្ទីរព្យាបាលធ្មេញបស្ចិម សាខាព្រះនរោត្តម
Telegram Channel: https://t.me/pachem_dental
Facebook: https://www.facebook.com/pachemdentalclinic[:km]
Our results showed that treatment with hydrogen peroxide similar to those found in whitening strips is enough to make the original collagen protein disappear, which is presumably due to the formation of many smaller fragments.
Kelly Keenan
The team is not yet sure whether this damage is permanent or if there is any way of reversing it. In the future, the researchers also plan to find out whether hydrogen peroxide affects not just collagen, but also other proteins that dentin contains.[:]
